10月份勁黑仔呀......................

呢個10月份究竟發生何事呀?點解會咁黑仔既?WHY?WHY?WHY?

到底係咪撞鬼呀?定係鬼掩眼呀?

供應商回覆我11月份交貨，我為何會睇到是10月份？攪到好大件事，個客居然提出"天價"既索賠，無錯係"天價"，成7百幾萬港紙，我都知韓國既經濟衰退得好犀厲，但都唔洗開天價丫！！好在最後供應商都幫忙把事情攪掂，只需付幾千元空運費便了結。

點知返到屋企，電視消左，屋企無得睇電視係好慘架麻，咁咪又立即出去買電視囉！出去前已叮囑細妹要教肥B功課，點知返來又未做晒，仲要我返來時，佢好似做場戲比我睇，扮教到好忟，轉頭走左去換衫，跟住仲落埋街，其實一早約左人，求求其其做下樣，跟住死左去街。做到只剩下一樣功課時，咪叫我家姐教佢做埋最後一本囉，因為我想早一點沖涼，但佢勁呀！扮聽唔到喎，繼續睇佢既電視，咁我咪繼續教埋最後一本，但內心極忟囉！死cheap精！