討厭的事

可能係因為討厭的關係，越介意的事便會經常發生！
真的很好奇，香港人是否真的這麼忙碌呢？為甚麼這樣喜歡在公司地方剪指甲？
話說昨天放工搭火車時，我站在一個男人前面 (他是坐著的)，他就開始剪指甲，仲要剪足十隻、連手皮都剪埋囉，我既同事當時與我相隔左一個人，但佢都即時同我打眼色，因為佢知道我十分討厭既種行為，仲話：呢d事為甚麼經常在妳身邊發生架？呢個時候，其實我已經儘量離遠呢個男子，但礙於車廂內太多人，所以都無得點避架啦，突然有一片指甲彈中我的小腿囉(我當日穿裙架)，我當時既反應就好似中鎗咁，反應都頗大、仲唔埋後面既人同貨物、退後了好幾步，個男人見到我既反應咁大，停頓了一會兒，佢對眼向上地望住我，個口又不停地碎碎諗(沒聲)，他的表情好似係話我洗唔洗咁大反應呀！但佢好快地又繼續剪囉！！！
呢d人真係好討厭呀！！！

睇八字

預約左今個星期日去睇八字，攪到而家心情好緊張！
呢個師傅聽聞都幾準，他是一個失明人仕，每個客人都會傾足四個鐘，由小時間開始講到老年，所以好緊張、同期待，希望到達可以把他所講的，都一一記清楚！

出生時辰

可能因為阿媽生太多個，攪到無晒記性、同埋撈亂晒，所以我一直都唔知自己的出生時辰。
不過，我的朋友一早已告知可付少少錢向自己出生的醫院查核的，但因為"懶"一直都沒有查詢，最近終於去查證，估唔到咁快、兩個星期便可查到，我終於都知道自己係幾點出世啦！