天氣寒冷~~

近日天氣真的非常寒冷！
昨天中午因公事去了大陸，慶幸的是乘坐公司的車上去，可以直接停在目的地之門品，不用吹風。我坐在車裡望著車廂內顯示的車外溫度，真的令到我吃驚，因為在火炭出發時，當時之溫度是11度，但經過大埔時，溫度只有8度，足足跌了3度，真的很誇張！當部車經過粉嶺、沙頭角時，溫度又升回1度，這足以証明大埔真的是比較凍的地區！聽聞今日市區最低氣溫為8.5度，即係話~大埔只有5、6度，大家記住穿多一點衫，不要著涼，好好保重身體呀！

背影 (+_+)

近期心情莫名地失落，真的不知有何原因，究竟為何眼淚常會掛在眼邊？鼻子酸酸的？總會感到失落與寂寞！是否太久沒有哭之故？此心情已維持一星期了，真是摸不著頭腦！
呢期聽到一首歌覺得好有feel，它就是《背影》，每次聽完呢首歌都會有鼻子酸酸的感覺！


背影 詞：藍小邪　曲：關大州　 編曲：洪信傑　演唱：林宥嘉
三公分陽光　三公分空氣　 堵在眼前　
像一面玻璃 擋住了妳表情　剩下 只有腳印
一直向前走　走不完距離　 一直向後　
退不出回憶 很高興有心事　幫我 困住自己
妳頭髮上淡淡青草香氣　
變成了風才能和我相遇 妳的目光　
蒸發成雲　 再下場雨我才能夠靠近
感謝我不可以　住進妳的眼睛　
所以才能　擁抱妳的背影 有再多的遺憾　
用來牢牢記住　 不完美的所有美麗
感謝我不可以　擁抱妳的背影　
所以才能　變成妳的背影 躲在安靜角落　
不用妳回頭看....　 不用珍惜

我是否傻了

星期六一早,可能係太早未瞓醒之故,自己盲中中撞左落個衣櫃隻角度,撞完後立即覺得頭暈暈的,個額頭仲即刻起左個"樓"添呀,到而家仲好痛囉!

超靚新GEL甲

近來迷上了做GEL甲(即係水晶甲)，今次已是第三次連續做了，亦都是暫時最滿意的一次，紫色底、黑色的玫瑰花，靚！！！因為我連續三次都是紫色，攪到幫我做GEL甲個女仔叫我做【紫魔】，勁攪笑！

2008年第一餐慶祝生日@都會海逸

Thank you so much for 大頭、心媽、車車 & pink!

慶祝生日的第一餐於1月中便已經開始進行了，仲要係都會海逸酒店食LUNCH BUFFET添呀！
我真的覺得都會海逸酒店既BUFFET好好味，雖然今次已經係第三次係呢度食BUFFET啦，但就第一次食LUNCH BUFFET，依然覺得好好味，真係好正架！我建議大家擇LUNCH BUFFET會比較好，因為我覺得LUNCH & DINNER之食物好像是沒有差異的，但兩者之價錢相差甚遠，
呢度既雪糕仲要係Haagen Dazs添，真係正、正、正！

心情不佳 @_@

唉！近日心情不佳！咩事？咪係工事囉........
人總是自私的，到利害關頭時，往往都只會為自己著想，甚至說一些難聽的說話！
但大家務必記住呀，有些說話講過就係講過架啦，唔好以為講過就算，事後想補救都是多餘的，好多說話都好似拿住把刀插左人地一下之後，就算個傷口復原了，但個傷痕永遠都會在心中的！
雖然有些事情就算係事前已預料到的，但往往發生時都係會覺得傷心及失去信心的。

倒數 ~ 迎接27歲的來臨

無錯！快到27歲啦！仲有一個月便到27歲了！開始進入倒數階段啦！
唉！真的老了！快將30、但依然如此！
我有點不開心，因為今年生日又係新年，年初二，又要在拜年中度過。
我記得早幾年既生日又係年初二，而我們一家每年的年初二都是去外婆家拜年的，我好記得當時全日就係坐在一旁望住別人打麻雀、發呆中度過，希望今年唔會案件重演啦！真的希望當日可以與好友一起慶祝，狂歡一番！
之前為了做Darling的伴娘，用了兩、三個月來減肥，總算係有點成績出來，但我而家居然已經極速在一個月之內打回原狀，有無攪錯呀！這樣落去、完全唔掂喎，我要努力再減，唔好放縱落去！
各位親朋好友，請為我打氣，加油、加油、fighting！

新年快樂! 新年快樂!

各位，新年快樂！

我地於除夕夜用了吳生、吳太結婚時的開門利是弄了一頓非常美味既海鮮燒烤大會，
當中有龍蝦、鮑魚、大蝦、扇貝、螺等等........仲有神秘嘉賓 ~ Haagan - Dazs雪糕朱古力火鍋添呀！正呀！
除夕當晚天氣很冷及大風，氣溫只有12、13度左右，但原來在這樣的環境下食雪糕朱古力火鍋o係咁好味架！真係正、正、正！
而家諗起都好想食呀！真的非常多謝吳生、吳太為我地帶來一頓這麼豐富既大餐！
其實吳生、吳太不知道我地有此安排，只知道係豐富的海鮮燒烤，希望你們喜歡我們這樣的安排，讓我們借花敬佛請你們食番一餐大餐！
其實12月份係2007年裡最疲累既一個月，因為有4個婚宴要參加、仲有聖誕節及新年既慶祝活動，還有元旦外婆的壽宴，一個接一個既晚宴，
整個人成日都好疲累，身體好像應付不了，可能真的是年紀漸大了！不過，呢D全部都係開心既事，都係好值得的！唔知下次輪到邊位呢？
陳先生？定係陳小姐呢？
不知不覺已經到了2008年，時間過得真快，眨眼便快將2X歲，出來工作後，時間好像過得更加快，眨下眼便過了，呢幾年究竟做過甚麼呢？
係時候要好好思考下啦！仲有，大家有無諗過2008年有咩大計呢？無呀，而家真係要好好想一想啦！