2007最後的一天

今日係2007年最後的一天,大家如果渡過呢一日呀?
我今晚與一班好友一起BBQ,無錯又係BBQ呀!其實我真係好鍾意BBQ架! ^.^
雖然昨晚又去了朋友的婚宴,仲攪到好夜先瞓,成個人好疲累,但我依然非常期待今晚的美食呀,
因為今晚又會係一頓非常豐富既海鮮餐:龍蝦、鮑魚、扇具....諗起就想馬上可以食,
期待、期待、非常期待!!!
各位,雖然你們無法與我一起分享呢餐美味的海鮮BBQ大會,但我會影多D相與大家分享!
小妹在此恭祝各位: 新年快樂!

迎接2008

回想起去年除夕於Sheraton食消夜自助餐兼倒數，望到成條街都係迫滿人，

個個都迫到好似螞蟻咁細，兼且用好羨慕既眼神望住我地，當時令到我地覺得好爽呀！
原本打算今年除夕再次去Sheraton食消夜自助餐兼倒數，點知今年已沒有了消夜自助餐，

改為分開兩段既自助晚餐，第二段既自助晚餐加埋10%charge差不多是伍佰元，

雖然咁貴但都full booking囉！簡直係癲癲地架！
無辦法啦！唯有再search下其他啦，搵到天星小輪有除夕煙花倒數活動，

可以坐在船上睇國金放煙花兼倒數，只需每位HKD168，諗住咁正就join呢個，

點知短短一日內full左囉......唉！無法啦！唯有再想另一活動同班fds慶祝！
今年香港的經濟真的這麼好嗎？成街既人都好似好瘋狂地shopping囉！

新開張啦!!!

開張啦!開張啦!開張啦!
近期見到心媽有寫blog既習慣,見到佢寫低關於生活的點點滴滴,心情,近況,當然緊係有佢個非常可愛的囡囡 ~ 心悅的相片,這樣可以與各位親朋好友分享及抒發一下情懷,因而引發我去開左呢個blog,希望我都可以好似佢一樣咁有心機寫啦!